I haven’t met Chamot (full name Liman rasan Sancho Chamot Alves Nahac). However, I have met his family and heard a lot about him. Today he has contributed twelve poems all written in 2007 and 2008. The vast majority of them in September -October 2007. I’m waiting for him to write a little about himself and tell us what inspired such a fast outpouring of poetry in that short time.
I know Chamot lived in Kamenassa near Suai and that is where his mother and many other family members live, still. His mother is a wonderful weaver as are his sister and other women in the family.
I have allocated a separate post to each poem so friends can translate them or comment on them.
Timorese Poems
Categories
-
Chamot’s Little Book of Poetry
October 27th, 2008 jen Posted in Chamot's Little Book of Poetry, Timorese Poems No Comments »
Ai-Tarak Domin
October 27th, 2008 jen Posted in Ai-Tarak Domin, Chamot's Little Book of Poetry, Poetry, Timorese Poems No Comments »
Husi liman nia hakohak,senti domin husi fuan.
Lun fase matan husi o nia hahalok aat nebe o hatudu.
Kalohan falun rai, nakukun hein naroman atu mai.
Manu aman kokorek, hader mai, hasoru domin nebe o fo
Uluk dehan hadomi sei lafahe, furak nakonu ho o
Anin kalan falun ha’u oin, nakukun anin malirin huu ha’u nia fuk
Lalehan rai klran nakonu ho aitarak domin nian.
Loro matan leno rai, fo naroman hafurak rai ne’e
Ha’u hakarak fila iha oras nebe ita promete
Hein kalan atu mosu, fitun lakan simu loro matan
Telephone (nokia) iha liman los hakarek mensazen lian murak.
Temi-temi o naran, doben, mais liman lato’o atu kaer o fuk.
Hakne’ak husu tulun, atu fila iha loron ne’e
Lia, anin lori mai, tilun simu, tanis no hamnasa
Kokur tarutu rai nakukun tu’an mameran saki rai
Manas halo ha’u kosar, hein tempo atu ita hasoru fali malu.
Liman rasan: Grace JC Da Costa Nahac (Chamot)
Dili 24-07-08
.
Boa noite mundu
October 27th, 2008 jen Posted in Boa noite mundu, Chamot's Little Book of Poetry, Poetry, Timorese Poems No Comments »
Abu-abu taka metin kalohan
Rai nakaras simu nanoraman
Matan maluhak susar atu imagina o nia oin
Domin sobu nakukun husi abu-abu nia let
Lakon o nia lalatak tan ohin o dok
Liu husi kintu-kantu
Pinta bo’ot naran Jeny ha’u nia doben
Musika halo hau tilun diuk
Palku leten ha’u nia mundu.
Fo ksolok ba moris
Triste halokon hamnasa
Ispiritu teatru hamosu hasai nehan
Anin meudia sempre halo dukur
Mehi ne’e atu sai realidade
Rona lia dadolin no ema tanis
Domin mak halo ita sei hamotuk fail
Saseni wa’in (banyak penghalang)
October 27th, 2008 jen Posted in Chamot's Little Book of Poetry, Poetry, Saseni wa'in (banyak penghalang), Timorese Poems No Comments »
Naroman mosu husi tasi Fesawa duni nakukun iha o nia moris.
Dalan bo’ot Ai-lo’ok laran sai tasan ho ha’u nia ain fatin.
Tuda o ho domin tan laran funan buras atu hadomi.
Ibun midar ba atu ko’alia mais ta’uk saseni mai satan.
Loro matan atu monu nakukun atu mai.
Liman rasan ida ne’e, fuan domin ba o.
Hafoer surat tahan tan laran latahan atu hasoru o.
Foin hakat dala ida wee matan kota satan netik ha’u.
Furak lia hotu dehan ona.
Saseni wa’in iha ita rua nia klaran.
Laran metan nebe iha atu pinta ho ahu.
Tan hadomi, ha’u bele lakon vida ne’e.
Dalan bo’ot la’o fatin atu tuan mai ha’u.
Ai-mahon nebe iha atu tesi tanba hirus.
Uma oan mina fatin sai sasin ba itrua.
Keta dehan ha’u haluha o nia domin, tan furak nunka lakon iha ha’nia fuan.
Ne’e special ba o Mira>>>>
Liman Rasan: Sancho Alves Nahac (Chamot)
Bb 13-10-07
Isin di’ak Hakmatek
October 27th, 2008 jen Posted in Chamot's Little Book of Poetry, Isin di'ak Hakmatek, Poetry, Timorese Poems No Comments »
Hanoin to’ok ema toba
Lilin lakan iha santa cruz
Roo metan mai saka
Mata wen nunka maran
Karii to’ok ai-funan
Bolu fali nia klamar
Manu metan mai kanta
Hein malu rai seluk
Latan aan ba rai bolu lafila
La katak lia menon ba los deit
Tidin tun ai kruz,atu fila la fila
Ema barak asisti loron ikus moris nian
Isin ha’u iha ia han rai nian
Uma foun ha’u hela mak fatin sunu no karii
Husi dook ha’u rona ema kanta bolu ha’u
Isin di’ak ba sira hakmatek mai ha’u.
Liman Rasan: Sancho Chamot Alves Nahac
Dili 02-10-07
Falun Ha’u Ho O Nia Hadomi.
October 27th, 2008 jen Posted in Chamot's Little Book of Poetry, Falun Ha'u O Nia Hadomi, Timorese Poems No Comments »
Toba la dukur, matan laran hare o nia oin.
Letratu mak o fo mai ha’u, troka o nia aan iha kalan ne’e.
Fuan nakdedar tan ta’uk lakon o.
Nakukun halo ha’u la hare buat ida.
Atu haluha o tan o dook.
Ibun nunka para temi o nia naran.
Lalatak moris iha mehi.
Mai fo ksolok ba fuan nebe tristi.
O sei la hatene ha’u nia laran ba o.
Tan o nia fuan fahe ona ba ema seluk.
Nia mai atu haketak o no ha’u.
Mais hadomi ne’e sei nafatin ba o.
Amor fahe fuan fahe mos laran.
Domin nebe iha atu la mohu tanba o.
Anin malirin halo ha’u nakdedar.
O falun ha’u ho o nia hadomi.
Didika ba ha’u nia Amor Mira iha SMA N 1 Suai
Liman Rasan: Sancho Alves Nahac (Chamot)
Bb 15-10-07
Ulun ketak-ketak
October 27th, 2008 jen Posted in Chamot's Little Book of Poetry, Poetry, Timorese Poems, Ulun Ketak-ketak No Comments »
Ha’u nia ulun hitu.
Ran lahatene.
Kaer iskeru .
Sunu tun sunu sa’e.
Ema Timor .
Inan ida.
Avo ida.
Ulun ketak-ketak.
Rai ki’ik .
Nakonu ho riku soin.
Povo la barak.
Bangkada barak.
Han ai abut .
Hemu maho wen.
Monu husi kadeira.
Sai atan ba povo.
Liman rasan: Sancho Alves Nahac (Chamot)
08-10-07
Hatene aan
October 27th, 2008 jen Posted in 2007 - The Boite Cafe Melbourne 10th Nov., Chamot's Little Book of Poetry, Drawings: Suai Church Massacre, Events, Graffiti July 2000, Hatene aan, Poetry, Timorese Poems No Comments »
Hanesan lalenok hatudu lalatak
Botir rahun halo kanek
Tua sabu fo lanu
Isin ne’e nunka mohu
Anin bo’ot kasu uma kakuluk
Laloran tasi baku ha’u nia bero
Tanba moderno kamera hasai ha’u nia oin
Kruz ida ha’u iha atu salva o nia vida
Kultura naklekar modernu mai sobu
Uma du’ut ita nian isin klamar rai lulik
Hodi walan hahoris lalatak mundu ne’e
Manu aman kokorek naraman foun foin mosu
Tudik tesi du’ut
Ibun derok ko’a o nia isin
Foin senti moris furak
Hanoin aat mai sobu
Liman rasan: Sancho chamot Alves Nahac
Bibi Bulak 06-10-07
Lisan mak nebe
October 27th, 2008 jen Posted in Chamot's Little Book of Poetry, Lisan mak nebe, Poetry, Timorese Poems No Comments »
Tur hein tempo atu mai
Hare ba oin iha hetan fatin atu reza
Tur fatin ha’u iha nakonu ho rozas
Lakan nebe leno futar fuan domin nian
Lian ida mai husu iha nebe o nia lisan
Laran manas no odio atu funu ho se
Namalaik mosu mai atu lahuk no dodok
Lilin mutin no mean saseluk bua malus
Kuda aman kalerak foti aan k’man basuk
Manu ran hodi hisik buka bee atu bensa
Ramelau matebian baku malu iha fatin
Fahi fuik manu fuik tanis husu ai han
Nakali mosu mai rai lulik sai santa
Tula dikur ba malu hamutuk hili dame
Anju oan mai tanis tan buka alleluia
Glogria ba aman,oan no ispiritu santo amen.
Liman Rasan: Sancho Chamot Alves Nahac
Bibi Bulak04– 10-07
Dadolin Metisere
October 27th, 2008 jen Posted in Dadolin Metisere, News, Poetry, Timorese Poems No Comments »
Hamnasa tan hetan ksolok
Tanis tan susar falun moris
Ahi suar loro kraik fo hanoin loron aban
Koko hirus temi inan nia hela rai dook
Maun bo’ot sai sedu ba to’os
Apa rasik lahatene atu halo saida iha ohin
Alin ki’ik tanis tan inan susun wen maran
Ha’u rasik lahatene tansa buat hotu mosu
Apa bilan tan husu ba nia
Vizinu laran moras tan husu la foo
Hakarak buka rasik maibe seidauk iha ain
Apa, Ama iha nebe imi nia domin
Kasu lia reikadu isin k’man iha moris
Dadolin metisere loron ohin hotu ona
Ai tahan namtate moris foun atu mosu
Udan tun monu rai fini tubu to’os laran
Liman rasan Sancho Chamot Alves Nahac
Bibi bulak.27-09-07