Suai Media Space » Poetry http://www.suaimediaspace.org A documentary and social networks site for friendship with the youth of Suai Fri, 21 Oct 2011 10:29:08 +0000 http://wordpress.org/?v=2.9.2 en hourly 1 Ai-Tarak Domin http://www.suaimediaspace.org/2008/10/27/ai-tarak-domin/ http://www.suaimediaspace.org/2008/10/27/ai-tarak-domin/#comments Mon, 27 Oct 2008 10:30:02 +0000 jen http://www.suaimediaspace.org/?p=1411 Husi liman nia hakohak,senti domin husi fuan.
Lun fase matan husi o nia hahalok aat nebe o hatudu.
Kalohan falun rai, nakukun hein naroman atu mai.
Manu aman kokorek, hader mai, hasoru domin nebe o fo

Uluk dehan hadomi sei lafahe, furak nakonu ho o
Anin kalan falun ha’u oin, nakukun anin malirin huu ha’u nia fuk
Lalehan rai klran nakonu ho aitarak domin nian.
Loro matan leno rai, fo naroman hafurak rai ne’e

Ha’u hakarak fila iha oras nebe ita promete
Hein kalan atu mosu, fitun lakan simu loro matan
Telephone (nokia) iha liman los hakarek mensazen lian murak.
Temi-temi o naran, doben, mais liman lato’o atu kaer o fuk.

Hakne’ak husu tulun, atu fila iha loron ne’e
Lia, anin lori mai, tilun simu, tanis no hamnasa
Kokur tarutu rai nakukun tu’an mameran saki rai
Manas halo ha’u kosar, hein tempo atu ita hasoru fali malu.

Liman rasan: Grace JC Da Costa Nahac (Chamot)
Dili 24-07-08
.

]]> http://www.suaimediaspace.org/2008/10/27/ai-tarak-domin/feed/ 1 Boa noite mundu http://www.suaimediaspace.org/2008/10/27/boa-noite-mundu/ http://www.suaimediaspace.org/2008/10/27/boa-noite-mundu/#comments Mon, 27 Oct 2008 10:28:08 +0000 jen http://www.suaimediaspace.org/?p=1409 Abu-abu taka metin kalohan
Rai nakaras simu nanoraman
Matan maluhak susar atu imagina o nia oin
Domin sobu nakukun husi abu-abu nia let

Lakon o nia lalatak tan ohin o dok
Liu husi kintu-kantu
Pinta bo’ot naran Jeny ha’u nia doben
Musika halo hau tilun diuk

Palku leten ha’u nia mundu.
Fo ksolok ba moris
Triste halokon hamnasa
Ispiritu teatru hamosu hasai nehan

Anin meudia sempre halo dukur
Mehi ne’e atu sai realidade
Rona lia dadolin no ema tanis
Domin mak halo ita sei hamotuk fail

]]> http://www.suaimediaspace.org/2008/10/27/boa-noite-mundu/feed/ 1 Saseni wa’in (banyak penghalang) http://www.suaimediaspace.org/2008/10/27/saseni-wa%e2%80%99in-banyak-penghalang/ http://www.suaimediaspace.org/2008/10/27/saseni-wa%e2%80%99in-banyak-penghalang/#comments Mon, 27 Oct 2008 10:25:03 +0000 jen http://www.suaimediaspace.org/?p=1407 Naroman mosu husi tasi Fesawa duni nakukun iha o nia moris.
Dalan bo’ot Ai-lo’ok laran sai tasan ho ha’u nia ain fatin.
Tuda o ho domin tan laran funan buras atu hadomi.
Ibun midar ba atu ko’alia mais ta’uk saseni mai satan.

Loro matan atu monu nakukun atu mai.
Liman rasan ida ne’e, fuan domin ba o.
Hafoer surat tahan tan laran latahan atu hasoru o.
Foin hakat dala ida wee matan kota satan netik ha’u.

Furak lia hotu dehan ona.
Saseni wa’in iha ita rua nia klaran.
Laran metan nebe iha atu pinta ho ahu.
Tan hadomi, ha’u bele lakon vida ne’e.

Dalan bo’ot la’o fatin atu tuan mai ha’u.
Ai-mahon nebe iha atu tesi tanba hirus.
Uma oan mina fatin sai sasin ba itrua.
Keta dehan ha’u haluha o nia domin, tan furak nunka lakon iha ha’nia fuan.

Ne’e special ba o Mira>>>>
Liman Rasan: Sancho Alves Nahac (Chamot)
Bb 13-10-07

]]> http://www.suaimediaspace.org/2008/10/27/saseni-wa%e2%80%99in-banyak-penghalang/feed/ 0 Isin di’ak Hakmatek http://www.suaimediaspace.org/2008/10/27/isin-di%e2%80%99ak-hakmatek/ http://www.suaimediaspace.org/2008/10/27/isin-di%e2%80%99ak-hakmatek/#comments Mon, 27 Oct 2008 10:17:43 +0000 jen http://www.suaimediaspace.org/?p=1388 Hanoin to’ok ema toba
Lilin lakan iha santa cruz
Roo metan mai saka
Mata wen nunka maran

Karii to’ok ai-funan
Bolu fali nia klamar
Manu metan mai kanta
Hein malu rai seluk

Latan aan ba rai bolu lafila
La katak lia menon ba los deit
Tidin tun ai kruz,atu fila la fila
Ema barak asisti loron ikus moris nian

Isin ha’u iha ia han rai nian
Uma foun ha’u hela mak fatin sunu no karii
Husi dook ha’u rona ema kanta bolu ha’u
Isin di’ak ba sira hakmatek mai ha’u.

Liman Rasan: Sancho Chamot Alves Nahac
Dili 02-10-07

]]> http://www.suaimediaspace.org/2008/10/27/isin-di%e2%80%99ak-hakmatek/feed/ 0 Falun Ha’u Ho O Nia Hadomi. http://www.suaimediaspace.org/2008/10/27/falun-ha%e2%80%99u-ho-o-nia-hadomi/ http://www.suaimediaspace.org/2008/10/27/falun-ha%e2%80%99u-ho-o-nia-hadomi/#comments Mon, 27 Oct 2008 10:01:32 +0000 jen http://www.suaimediaspace.org/?p=1403 Toba la dukur, matan laran hare o nia oin.
Letratu mak o fo mai ha’u, troka o nia aan iha kalan ne’e.
Fuan nakdedar tan ta’uk lakon o.
Nakukun halo ha’u la hare buat ida.

Atu haluha o tan o dook.
Ibun nunka para temi o nia naran.
Lalatak moris iha mehi.
Mai fo ksolok ba fuan nebe tristi.

O sei la hatene ha’u nia laran ba o.
Tan o nia fuan fahe ona ba ema seluk.
Nia mai atu haketak o no ha’u.
Mais hadomi ne’e sei nafatin ba o.

Amor fahe fuan fahe mos laran.
Domin nebe iha atu la mohu tanba o.
Anin malirin halo ha’u nakdedar.
O falun ha’u ho o nia hadomi.

Didika ba ha’u nia Amor Mira iha SMA N 1 Suai
Liman Rasan: Sancho Alves Nahac (Chamot)
Bb 15-10-07

]]> http://www.suaimediaspace.org/2008/10/27/falun-ha%e2%80%99u-ho-o-nia-hadomi/feed/ 1 Ulun ketak-ketak http://www.suaimediaspace.org/2008/10/27/ulun-ketak-ketak/ http://www.suaimediaspace.org/2008/10/27/ulun-ketak-ketak/#comments Mon, 27 Oct 2008 09:59:17 +0000 jen http://www.suaimediaspace.org/?p=1401 Ha’u nia ulun hitu.
Ran lahatene.
Kaer iskeru .
Sunu tun sunu sa’e.

Ema Timor .
Inan ida.
Avo ida.
Ulun ketak-ketak.

Rai ki’ik .
Nakonu ho riku soin.
Povo la barak.
Bangkada barak.

Han ai abut .
Hemu maho wen.
Monu husi kadeira.
Sai atan ba povo.

Liman rasan: Sancho Alves Nahac (Chamot)
08-10-07

]]> http://www.suaimediaspace.org/2008/10/27/ulun-ketak-ketak/feed/ 1 Hatene aan http://www.suaimediaspace.org/2008/10/27/hatene-aan/ http://www.suaimediaspace.org/2008/10/27/hatene-aan/#comments Mon, 27 Oct 2008 09:56:06 +0000 jen http://www.suaimediaspace.org/?p=1397 Hanesan lalenok hatudu lalatak
Botir rahun halo kanek
Tua sabu fo lanu
Isin ne’e nunka mohu

Anin bo’ot kasu uma kakuluk
Laloran tasi baku ha’u nia bero
Tanba moderno kamera hasai ha’u nia oin
Kruz ida ha’u iha atu salva o nia vida

Kultura naklekar modernu mai sobu
Uma du’ut ita nian isin klamar rai lulik
Hodi walan hahoris lalatak mundu ne’e
Manu aman kokorek naraman foun foin mosu

Tudik tesi du’ut
Ibun derok ko’a o nia isin
Foin senti moris furak
Hanoin aat mai sobu

Liman rasan: Sancho chamot Alves Nahac
Bibi Bulak 06-10-07

]]> http://www.suaimediaspace.org/2008/10/27/hatene-aan/feed/ 1 Lisan mak nebe http://www.suaimediaspace.org/2008/10/27/lisan-mak-nebe/ http://www.suaimediaspace.org/2008/10/27/lisan-mak-nebe/#comments Mon, 27 Oct 2008 09:32:22 +0000 jen http://www.suaimediaspace.org/?p=1390 Tur hein tempo atu mai
Hare ba oin iha hetan fatin atu reza
Tur fatin ha’u iha nakonu ho rozas
Lakan nebe leno futar fuan domin nian

Lian ida mai husu iha nebe o nia lisan
Laran manas no odio atu funu ho se
Namalaik mosu mai atu lahuk no dodok
Lilin mutin no mean saseluk bua malus

Kuda aman kalerak foti aan k’man basuk
Manu ran hodi hisik buka bee atu bensa
Ramelau matebian baku malu iha fatin
Fahi fuik manu fuik tanis husu ai han

Nakali mosu mai rai lulik sai santa
Tula dikur ba malu hamutuk hili dame
Anju oan mai tanis tan buka alleluia
Glogria ba aman,oan no ispiritu santo amen.

Liman Rasan: Sancho Chamot Alves Nahac
Bibi Bulak04– 10-07

]]> http://www.suaimediaspace.org/2008/10/27/lisan-mak-nebe/feed/ 1 Dadolin Metisere http://www.suaimediaspace.org/2008/10/27/dadolin-metisere/ http://www.suaimediaspace.org/2008/10/27/dadolin-metisere/#comments Mon, 27 Oct 2008 08:46:47 +0000 jen http://www.suaimediaspace.org/?p=1371 Hamnasa tan hetan ksolok
Tanis tan susar falun moris
Ahi suar loro kraik fo hanoin loron aban
Koko hirus temi inan nia hela rai dook

Maun bo’ot sai sedu ba to’os
Apa rasik lahatene atu halo saida iha ohin
Alin ki’ik tanis tan inan susun wen maran
Ha’u rasik lahatene tansa buat hotu mosu

Apa bilan tan husu ba nia
Vizinu laran moras tan husu la foo
Hakarak buka rasik maibe seidauk iha ain
Apa, Ama iha nebe imi nia domin

Kasu lia reikadu isin k’man iha moris
Dadolin metisere loron ohin hotu ona
Ai tahan namtate moris foun atu mosu
Udan tun monu rai fini tubu to’os laran

Liman rasan Sancho Chamot Alves Nahac
Bibi bulak.27-09-07

]]> http://www.suaimediaspace.org/2008/10/27/dadolin-metisere/feed/ 0 Sapa G http://www.suaimediaspace.org/2008/10/27/sapa-g/ http://www.suaimediaspace.org/2008/10/27/sapa-g/#comments Mon, 27 Oct 2008 08:45:31 +0000 jen http://www.suaimediaspace.org/?p=1369 Hanesan toba iha kalan no hader iha dader
Manan independensia tan lakon nakukun
Naran bo’ot luta na’in inan barak sai faluk
Molok mundu hatene buat barak lakon ona

Naroman nebe iha nakonu ho ran
Fuan kanek badinas tan lakon Aimoruk
Laran manas nakali ahi klak sunu uma
Dun malu ho ema ahi lakan lapara

Buka malu hamutuk ladale kona susar
Roda haat sapa G importamte ba nia
Ibun kanta buka ksolok keta mehi atu hetan
Oan sarani mai husu buat hotu sempre iha

Uma fukun ita nian sai fatin dun malu
Oinsa,tansa,ba see ? lakon tia iha nia hanoin !
Sidade furak moris fatin sai fuik ba o
Halai taru metro lima atu hetan kaisaun

Liman Rasan : Sancho Alves Nahac (Chamot)
Bb-17-09-07
Lansa ona iha livru Hakerek Livre.

]]> http://www.suaimediaspace.org/2008/10/27/sapa-g/feed/ 1