For English version: The Circle of Stones
Fatuk Dadulas nebee povo Suai hada iha Igreja nia liur fatin nebee masakre akontese iha fulan Setembru tinan 1999 ida nee hatudu exemplu ida konaba ita nia komunikasaun.
Masakre iha Igreja Suai no lia seluk iha akontesimentu nee mak halo komunidade Suai Kovalima ho Port Phillip hari komunikasaun entre distritu rua nee.
Ema sobu rahun infrastrutura hotu-hotu nunee absolutamente la iha komunikasaun – surat tahan ho lapisera deit mos la iha – maibe povu sira hada fatuk nee atu hodi hanoin sira nia maluk doben nebe mak mate. Uluk nain fatuk nee hada la tau buat ida. Hafoin tempu mos passa povo sira hada tan fatuk barak, sira hahu hakerek naran no data simples tebe-tebes. Bainhira komunidade hetan sasan barak, gradualmente fatuk komemorasaun nee sai boot liu tan, ho fatuk balun iha hakerek no balun tau let-tratu.
Iha primeiru aniversariu masakre nee sirkula fatuk nee sai hanesan fatin lulik ida nebee ema ba tanis no hadomi maluk sira nebee mate ona, no uluk fatuk dadulas ida deit hafoin povo sira hada tan fatuk barak, tau ho aifunan no lilin.
Fatuk dadulas nee fo inspirasaun ba primeiru dokumentariu hau halo iha kolesuan ida nee. Fatuk dadulas primeiru hasai iha St Kilda Town Hall iha Port Phillip. Eventu ida nee halo hodi komemora segunda aniversariu masakre Suai.
Iha eventu nee konvida komunidade hotu-hotu husi Port Phillip sira mai lori fatuk barak nebee hakerek ho mensagen ba povu Suai.
Naton nee hasai dokumentariu badak ida konaba eventu nee no filmagen rua nee fo tia ona ba komunidade Suai.
Let-tratu pintura no hakerek mensagen iha fatuk nee hanesan esperansa no hadomi ida entre povo distritu rua nee. Nee hanesan dalan komunikasaun entre komuindade rua nee nebee hahu iha tinan hitu liu ba.